Baraza la Taifa la Elimu ya Ufundi na Mafunzo ya Ufundi Stadi (NACTVET) lina jukumu kubwa katika mfumo wa elimu nchini Tanzania. NACTE/ NACTVET inachukua nafasi muhimu katika kuimarisha na kusimamia elimu ya ufundi na mafunzo ya ufundi stadi ambayo yanajumuisha programu za vyeti, diploma, na shahada. Lengo kubwa la baraza hili ni kuhakikisha utoaji wa mafunzo yaliyo bora kwa kuzingatia viwango vya kitaifa na kimataifa.
Kupitia usimamizi wake, NACTE inahakikisha kuwa vyuo vyote vinatoa elimu yenye ubora na inayokidhi mahitaji ya soko la ajira. Hili linafanywa kwa kuzingatia maendeleo ya viwango vya kitaaluma, udahili wa wanafunzi, na upimaji wa ubora wa programu mbalimbali zinazotolewa. Pia, NACTE inawajengea wanafunzi uwezo wa kufanikisha malengo yao ya kitaaluma na kitaalamu kwa kuzingatia viwango vya kimataifa.
Katika juhudi za kuongeza upatikanaji wa elimu, NACTE imeanzisha mchakato wa maombi ya udahili mtandaoni ambao ni rahisi na wazi kupitia mfumo wa Central Admission System: CAS. Mfumo huu unawsaidia wanafunzi kutuma maombi kwa urahisi na kuokoa muda. Mfumo huu wa mtandao unawafikia watu wengi zaidi na kurahisisha mchakato wa maombi ya udahili katika vyuo mbalimbali nchini Tanzania.
Baraza la Taifa la Elimu ya Ufundi na Mafunzo ya Ufundi Stadi (NACTE) linawajibika kusimamia, kudhibiti na kuhakikisha ubora wa elimu ya ufundi na mafunzo ya ufundi stadi nchini Tanzania. NACTE inafanya kazi kwa lengo la kuhakikisha vyuo vyote vya ufundi vinatoa mafunzo yenye viwango vinavyokidhi mahitaji ya soko la ajira na kujenga ujuzi wa kitaalamu kwa wanafunzi.
Sifa na vigezo vya Kutuma Maombi ya udahili wa vyuo NACTE?
Programu zinazotolewa na vyuo vya NACTE zinatofautiana katika viwango, yakiwemo mafunzo ya cheti, diploma, na shahada. Waombaji wote wa vyuo vya NACTE wanatakiwa kuhitimu kidato cha nne au cha sita na kuwa na angalau ufaulu katika masomo yasiyo ya kidini. Kwa program maalum kama vile Utabibu, waombaji wanatakiwa kuwa na sifa maalum za masomo ya sayansi kama Kemia na Baiolojia.
Ili kutuma maombi ya udahili kwa vyuo vya NACTE, waombaji wanatakiwa kukidhi vigezo fulani kulingana na programu wanayoomba. Kwa ujumla, waombaji wanapaswa kuwa na:
Cheti cha Elimu ya Sekondari (CSEE): Waombaji wanapaswa kuwa na angalau ufaulu wa masomo manne (4) yasiyo ya kidini.
Kwa Wale Walio na Cheti cha Technician (NTA Level 4): Wanapaswa kuwa na cheti kinachotambulika katika fani husika kutoka taasisi zinazotambulika na NACTE.
Kwa Wale Walio na Advanced Certificate of Secondary Education Examination (ACSEE): Waombaji wanahitajika kuwa na angalau ufaulu katika somo moja kuu na ufaulu unaofuatia katika somo kuu jingine.
Cheti cha Ufundi/National Vocational Award (NVA) Level III: Pia, wale wenye cheti hiki wanaweza kutuma maombi kwa programu zinazojumuisha mafunzo ya ufundi.
Ratiba za Mchakato wa Udahili wa Vyuo vya NACTE kwa Mwaka wa masomo 2025/2026
Tarehe
Tukio
Wahusika
24 Machi – 23 Mei 2025
Uhakiki wa Matokeo ya Mitihani a
NACTVET
1 – 15 Aprili 2025
Kuandaa Kitabu cha Mwongozo wa Udahili kwa mwaka wa Masomo 2025/2026 (NACTE Guidebook 2024/2025)
NACTVET
16 – 25 Aprili 2025
Kuwasilisha marekebisho/uboreshaji kwenye Rasimu ya Vitabu vya Mwongozo wa Udahili
Taasisi za TVET na Vyuo Vikuu vinavyotoa programu za Cheti na Diploma
Mei 2025
Machapisho ya Kitabu cha Mwongozo wa Udahili kwa mwaka wa Masomo 2025/2026 (NACTE Guidebook 2024/2025)
NACTVET
Mei – Juni 2025
Kuwajengea uwezo Maafisa wa Udahili na Mitihani juu ya masuala ya udahili na mitihani
NACTVET na Taasisi za TVET
28 Mei 2025
Kufunguliwa kwa Dirisha la Udahili kwa masomo ya mwaka 2025/2026
NACTVET
26 Mei – 6 Juni 2025
Uendeshaji wa Mitihani ya Taifa ya VET kwa Wanafunzi wa CBA na NABE kwa mwezi Juni 2025
VETA, TVETIs /VET Centres
1 – 30 Juni 2025
Upakiaji wa Matokeo ya Tathmini Endelevu ya Elimu ya Ufundi kwa Shule za Sekondari
Shule za Sekondari zinazotekeleza Elimu ya Ufundi (Amali)
6 Juni 2025
Mwisho wa semesta ya kwanza kwa programu za VET kwa mwaka
Wanafunzi na TVETIs /VET Centres
22 Julai – 5 Septemba 2025
Uendeshaji wa Mitihani ya Semesta II na Semesta I kwa wanafunzi wa Machi na Septemba
TVETIs, NACTVET, Ministry of
Health
Ratiba hii inatoa mwongozo muhimu kwa wadau wote wanaohusika katika mchakato wa udahili kuhakikisha kwamba kila kitu kinaenda kama ilivyopangwa kwa mwaka wa masomo 2025/2026. Kufahamu zaidi kuhusu Ratiba za Mchakato wa Udahili wa Vyuo vya NACTE kwa Mwaka wa masomo 2025/2026 bofya linki hii
Mambo Muhimu ya kuzingatia kabla ya kuanza mchakato wa kutuma Maombi ya udahili Mtandaoni (NACTE Online Application) katika mfumo wa Central Admission System (CAS)
Wanafunzi wote watarajiwa wanaotaka kutuma maombi yao mtandaoni kupitia mfumo wa NACTE wanatakiwa kuangalia au kuzingatia vitu au nyaraka zifuatazo wakati wa kuwasilisha maombi yao mtandaoni kwenye mfumo wa NACTE (NACTVET Online Application):
Fanya utafiti wa kina kuhusu vyuo na kozi unazotaka kutuma maombi yako.
Soma kwa makini kitabu cha mwongozo wa Udahili wa NACTE 2025/2026 (NACTE Admission guidebook) ili kuelewa vigezo na gharama za kozi unayotaka kusoma.
Andaa vyeti vyako vya kitaaluma na nyaraka zote muhimu kama cheti chako cha CSEE au ACSEE, cheti cha kuzaliwa.
Andaa ada ya maombi ya TSH 10,000 kwa kila chuo unachotaka kuomba mtandaoni (ukiwa na kiwango cha juu cha vyuo 5 ambacho ni sawa na Tsh 50,000).
Hakikisha una nyaraka muhimu zifuatazo karibu yako:
Anwani ya Barua Pepe inayotumika na halali
Namba ya Simu ya Mkononi inayotumika na halali
Namba ya mtihani wa Kidato cha Nne (Form four Index number)
Namba ya mtihani wa Kidato cha Sita ikiwa unatumia sifa za ACSEE
Ikiwa wewe ni mwombaji mwenye sifa za kigeni (sawa na elimu ya sekondari) lazima kwanza utumie utaratibu wa kupata usawa kutoka Baraza la Mitihani la Taifa la Tanzania (NECTA), huku wale wenye vyeti vya nje wakitakiwa kupata usawa kutoka Baraza la Taifa la Elimu ya Ufundi (NACTE).
Mchakato wa Kutuma Maombi ya Udahili wa Masomo ya Diploma na Cheti kwa mwaka wa masomo 2025/2026
Mfumo wa NACTE umekuwa msingi thabiti wa kutoa fursa za masomo kwa wanafunzi wanaotafuta elimu ya kiufundi na mafunzo ya stadi. Kuongeza ufanisi katika mchakato wa udahili, mfumo wa maombi ya mtandaoni wa NACTE umewekwa ili kurahisisha utaratibu wa kutuma maombi ya udahili vya vyuo na taasisi mbalimbali nchini.
Mfumo huu unawahusu wanafunzi waliokidhi vigezo vya udahili kuanza safari yao ya kielimu kwa kujisajili, kuchagua programu wanazotaka kupitia njia ya mtandao. Utaratibu huu unalenga kuongeza ufanisi, uwazi, na kuondoa usumbufu kwa waombaji, kwa kuhakikisha kuwa wanaweza kufuatilia maendeleo ya maombi yao hadi wanapokuwa wamepokelewa na taasisi husika.
Kwa sasa, udahili wa vyuo vya afya vya serikali na baadhi ya vyuo vya binafsi unafanywa kupitia mfumo wa NACTE Central Admission System: CAS ,Kwa wadahiliwa wa vyuo vinavyotoa kozi nyinine na vyuo vya afya vya binafis, waombaji wanapaswa kutuma maombi yao moja kwa moja kwenye vyuo husika. Wahitimu wa Elimu ya Sekondari na Vyuo wenye sifa, wanashauriwa kutuma maombi yao moja kwa moja vyuoni.
Dirisha la maombi ya Udahili wa Vyuo vya Cheti na diploma kwa mwaka wa masomo 2025/2026 linatarajiwa Kufunguliwa tarehe 28, Mei 2025
Kutuma maombi vyuo vya NACTE mtandaoni ni rahisi na kunaweza kufanyika kupitia tovuti rasmi ya NACTE au Chuo husika. Kunaza mchakato wa kutuma maombi yako unatakiwa kufuata hatua zifuatazo:
Jinsi ya Kutuma Maombi ya Udahili wa Masomo ya Diploma na Cheti kwa mwaka wa masomo 2025/2026 kupitia mfumo wa NACTE Central Admission System: CAS
Hatua ya 1: Tengeneza Akaunti yako kwenye NACTE Central Admission System: CAS
Tembelea Tovuti ya NACTE:
Kwenye kivinjari chako, andika anwani ya tovuti rasmi ya NACTE Central Admission System: CAS >> https://tvetims.nacte.go.tz/
Sajili Akaunti Mpya:
Bonyeza kiungo cha kusajili akaunti mpya.
Nenda moja kwa moja kwenye sehemu ya “Usajili” ili kuanza usajili wako.
Bofya kwenye kiungo kinachosema, “Ikiwa ni mara yako ya kwanza bofya hapa kuanza maombi yako.”
Hii itakupeleka kwenye ukurasa maalum wa usajili ambapo utaweka taarifa zako za elimu kama vile namba yako ya mtihani wa Form four – CSEE, mwaka wa kumaliza CSEE au ACSEE.
Hatua inayofuata ni kuingiza maelezo yako ya mawasiliano kama vile namba ya simu na anwani ya barua pepe.
Bofya endelea, na mfumo utakuelekeza kwenye ukurasa unaofuata kuthibitisha majina yako. Angalia kama jina lako na maelezo mengine yako sahihi; bofya ndiyo ikiwa maelezo ni sahihi au chagua hapana ikiwa unaona maelezo si sahihi. Bofya endelea ili kuendelea na hatua inayofuata.
Katika hatua hii inayofuata, utaweza kukamilisha wasifu wako binafsi , Hii itakuelekeza kwenye ukurasa wa usajili ambapo utahitajika kujaza taarifa zako binafsi.
Kuthibitisha Akaunti Yako:
Mara baada ya kujisajili, utapokea barua pepe ya uthibitisho.
Taarifa zako za kuingia (Password na username) kwenye akaunti yako NACTVET zitatumwa kwako kupitia anwani ya barua pepe uliyotumia wakati wa usajili.
Kufikia hatua hiyo, utaweza kuingia kwenye mfumo na kuanza kutuma maombi ya kozi unayoitaka.
Hatua ya 3: Kulipa Ada ya Maombi
Mchakato wa kulipa ada ya maombi ya vyuo kupitia NACTE ni hatua muhimu inayohakikisha maombi yako yanazingatiwa rasmi. Ada ya kutuma maombi kupitia mfumo wa NACTE hulipwa kupitia huduma maarufu kama M-Pesa au Tigo Pesa. Ni muhimu kuhakikisha unakonfirmu malipo yako ili kuepuka usumbufu wa kuchelewa.
Ili kufanikisha maombi yako unatakiwa kuandaa ada ya maombi ya TSH 10,000 kwa kila chuo unachotaka kuomba (ukiwa na kiwango cha juu cha vyuo 5 ambacho ni sawa na Tsh 50,000). Ikiwa umekamilisha mchakato wa usajili , katika hatua inayofuata utakiwa kulipa ada ya maombi kwa kutumia Control namba utakayopewa na NACTE. Zifuatazo ni Njia za malipo na jinsi unavyoweza kulipia ada ya maombi yako:
Huduma za Kifedha kwa Simu za Mkononi:
Unaweza kutumia huduma kama M-Pesa au Tigo Pesa kulipia ada yako.
Fuata hatua za huduma ya kifedha unayochagua kwa kuingiza namba ya kumbukumbu iliyotolewa na NACTE wakati wa mchakato wa maombi.
Banki:
Ada inaweza kulipwa kupitia benki zinazoshirikiana na NACTE. Tembelea matawi ya benki husika na elezea malipo yako kwa ajili ya ada ya maombi ya NACTE.
Uthibitisho wa Malipo:
Mara baada ya kulipa, hakikisha umepokea uthibitisho wa malipo. Hii itakusaidia iwapo kutakuwa na changamoto zozote za utambulisho wa malipo yako katika mfumo.
Hatua ya 4: Kuchagua Chuo na Programu
Katika hatua ya kuchagua chuo na programu, ni muhimu kufanya maamuzi yenye hekima ambayo yanaendana na malengo yako ya kitaaluma. Hapa kuna jinsi ya kufanya hivyo:
Pitia mwongozo wa udahili wa NACTE ili kufahamu zaidi Kuhusu Vyuo unavyotaka kutuma maombi: Hakikisha umesoma maelezo ya vyuo mbalimbali vinavyopatikana kwenye mfumo wa NACTE. Tathmini programu zinazotolewa, ada za masomo, na maeneo ya vyuo ili kuchagua yanayokidhi mahitaji yako.
Angalia Sifa za Kuingia: Soma mahitaji ya kila programu ili kuhakikisha unakidhi sifa za kujiunga. Programu zingine zinaweza kuhitaji alama za juu au masomo maalum katika elimu ya sekondari.
Hatua ya 5: Uhakiki na Uwasilishaji
Kabla ya kuwasilisha maombi yako, hakikisha kwamba umepitia maombi yote ili kuthibitisha usahihi wa taarifa zako:
Uhahiki wa Taarifa: Rudia uhakiki taarifa ulizojaza kwenye fomu kuona kama kuna makosa yoyote .
Uwasilishaji Rasmi: Baada ya kujiridhisha na usahihi wa maombi yako, wasilisha maombi hayo. Utaona uthibitisho wa kupokea baada ya kufanikiwa kutuma.
Hakikisha umekamilisha kila hatua kwa uangalifu ili kuongeza nafasi zako za kufanikiwa katika maombi yako ya udahili.
Ufuatiliaji wa Maombi na Majibu
Baada ya kukamilisha mchakato wa maombi, unaweza kufuatilia maendeleo ya maombi yako kupitia akaunti yako. Majibu ya maombi yako yatatolewa kupitia barua pepe iliyosajiliwa au kupitia akaunti yako. Hakikisha unazingatia muda uliowekwa wa kuthibitisha udahili ikiwa utapitia.
